Home Sport Reali nuk përfiton nga humbja Barcelonës, ndalet në Bernabeo nga Betis

Reali nuk përfiton nga humbja Barcelonës, ndalet në Bernabeo nga Betis

Real Madrid nuk ia ka dalë që të shoqërojë fitoren e mesjavës me një tjetër sukses në kampionat, aq më tepër kur pak orë para tij kishte gabuar edhe Barcelona kryesuese duke u mundur ndaj Levante.

Skuadra e Zidan është ndalur në shtëpi në barazim pa gola nga Betis, duke konfirmuar se ka ende shumë probleme në repartin e avancuar i cili gaboi disa raste të mira në duelin e sotëm.

Reali kaloi thuajse gjithë takimin në gjysmëfushën kundërshtare dhe provoi në të gjitha mënyrat të shënonte, por nuk ia doli, duke shpërdoruar me radhë me Hazard, Benzema apo edhe Rodrigo e Vinicius.

Madrilenët nuk u ndihmuan as nga episodi i çuditshëm i pjesës së dytë me portierin Xhoel Robles.

Ky i fundit bëri me shenjë që i kishte rënë një nga lentet e syrit dhe u kthye në fushën e lojës pa e rivendosur atë. Por ky problem i portierit nuk u shfrytëzua nga Reali në 20 minutat e fundit, ku pavarësisht dominimit, askush nuk arriti të çante murin e ngjeshur para portës së Betis që mori një pikë shumë të luftuar në transfertë.

Reali kësisoj i bashkohet Barcelonës në kreun e renditjes së kampionatit, por të dy skuadrat mund të kalohen nesër përsëri nga Granada, ose të arrihen në kuotën e 22 pikëve nga Real Sociedad, në duelin direkt mes këtyre dy skuadrave.

Bonus video:
Loading...