Ballina Bota Senati Amerikan i kërkon Trump-it “hetim për gazetarin Khashoggi”

Senati Amerikan i kërkon Trump-it “hetim për gazetarin Khashoggi”

SHPËRNDAJE

Komiteti i Senatit Amerikan për Marrëdhëniet me Jashtë i ka kërkuar presidentit të SHBA-ve, Donald Trump, fillimin e hetimeve në kuadër të “Ligjit Global Magnitsky për përgjegjësitë e të drejtave të njeriut” në lidhje me fatin e gazetarit Jamal Khashoggi, për të cilin nuk ka asnjë lajm pasi ai hyri më 2 tetor në konsullatën e Arabisë Saudite në Stamboll, transmeton Anadolu Agency (AA).

Një grup senatorësh republikanë dhe demokratë u bashkuan dhe i dërguan një letër duke i kërkuar presidentit Trump një hetim për zhdukjen e gazetarit saudit, Jamal Khashoggi.

Senatorët siç janë kryetari i Komitetit të Marrëdhënieve me Jashtë, senatori i rajonit Tennessee, republikani Bob Corker, anëtari i lartë i komitetit, senatori për New Jersey, Bob Menendez, senatori republikan i Karolinës së Jugut, Lindsey Graham, dhe senatori demokrat, Patrick Leahy, në letrën e tyre i kanë kërkuar presidentit Trump një hetim për rastin Khashoggi.

Në letrën e nënshkruar nga të gjithë anëtarët e komitetit përveç senatorit republikan të Kentucky, thuhet se “Në kuadër të Ligjit Global Magnitsky për përgjegjësitë e të drejtave të njeriut, kërkojmë nga ju vendim në çështjen e zbatimit të sanksioneve ndaj personave të huaj që kanë rol në ndonjë shkelje në lidhje me rastin Khashoggi”.

Ndër të tjera në letrën e senatorëve ka tërhequr vëmendjen shprehja “Pritshmëria jonë është që ju duhet të merrni parasysh informacionin për zyrtarët e lartë të qeverisë së Arabisë Saudite në marrjen e vendimit tuaj”.

– Ligji Magnitsky

Në rast të një kërkese nga Komiteti për Marrëdhëniet me Jashtë i Senatit, Ligji Magnitsky, i sjell kusht presidentit të SHBA-ve për hetim në kuadër të “ekzekutimeve të paligjshme, torturave dhe shkeljeve të tjera të rënda kundër një individi që ushtron lirinë e shprehjes”.

Sipas ligjit, presidenti amerikan pas kërkesës së komitetit duhet të paraqesë një raport që përfshin gjetjet për kërkesën në fjalë si dhe nëse ka vendimin e sanksioneve ndaj personit apo personave të huaj të përfshirë në shkeljet e të drejtave të njeriut.

Ligji Magnitsky u miratua në SHBA në vitin 2012 pasi Sergey Magnitsky, një prej avokatëve të fondit Hermitage Capital Management humbi jetën teksa ndodhej i burgosur në Rusi në vitin 2009, ku SHBA-ja dhe vendet europiane duke mbrojtur idenë se nuk kanë marrë masat e nevojshme gjatë burgimit kërkuan dënimin e zyrtarëve përgjegjës rusë.

Loading...