Ballina Aktualitet Rajoni Nikoliç: Kushtet për pranimin e Serbisë në BE, “poshtëruese”

Nikoliç: Kushtet për pranimin e Serbisë në BE, “poshtëruese”

SHPËRNDAJE

Presidenti i Serbisë, Tomisllav Nikoliç, e ka akuzuar Bashkimin Europian për vendosjen e kushteve “poshtëruese” për anëtarësim të Serbisë në BE.

Nikolliç i ka thënë sot kryeministrit të Sllovenisë, Miro Cerar, i cili e ka vizituar Beogradin, se Serbia do të lëvizë për t’i pranuar parimet themelore dhe vlerat e BE-së, megjithëse blloku me 28 anëtarë është në krizë.

Nikoliç nuk ka specifikuar se cilat kushte ai i konsideron “poshtëruese”, por ndoshta u është referuar kërkesave të disa anëtarëve të BE-së, që Serbia ta njohë Kosovën, si shtet i pavarur, raporton AP nga Beogradi.

Serbia, që është aleate tradicionale e Rusisë, dëshiron t’i bashkohet BE-së, por ka qenë nën presion intensiv nga Kremlini që ta rishqyrtoj këtë orientim.

Moska e ka mbështetur Serbinë në ‘luftën’ e saj me Perëndimin lidhur me Kosovën, e cila ka shpallur pavarësi në vitin 2008.

Loading...