Ballina Shëndeti Metodat për vetëshërimin e dhimbjeve trupore

Metodat për vetëshërimin e dhimbjeve trupore

SHPËRNDAJE

Sipas Teorisë së Mjekësisë Tradicionale Kineze, trupi ynë ka aftësi magjike të vetëshërimit. Në Greqinë e lashtë, babai i mjekësisë Hippocrati ka thënë se aftësia e vetëshërimit është ilaç më i çmuar për shumë sëmundje. Prandaj, duhet t’i kushtohet vëmendja e madhe këtij potenciali që e kemi brenda nesh.

1. Dhimbja e mesit e shkaktuar nga ngarja e makinës për 14 orë, vetëshërimi nga stërvitjet e muskujve të belit dhe të prapëm.

Nëse keni ngarë makinën për një kohë të gjatë, për rreth 14 orë atëherë do të keni dhimbje mesi ndoshta për një muaj si dhe probleme me gjymtyrët.

Një shofer që ngiste makinën për orë të tëra pa se kishte probleme me diskun e mesit, që më pas iu bë diçka kronike. Për këtë ai mori disa masa për të lehtësuar dhimbjet.

ad61e6273f6645f88aab0158a0b9338a

a. pushimet dhe aktivitete me radhë

b. rregullimi i pozicionit të uljes, duke shmangur qëndrimin për një kohë të gjatë në të njejtin pozicion.

c. Evitimi i ngritjes së peshave të rënda

d. stërvitjet e muskujve të belit dhe të prapëm të shpinës.

e. Forcimi i stërvitjes së përgjithshme të trupit. (marrja me sporte si badminton, vrapi i lehtë etj)

Pas bërjes së këtyre metodave për një kohë të vazhdueshme 2-3 vjet, dhimbjet e mesit iu lehtësuan në mënyrë të dukshme. Ai mund të vazhdonte të ngiste mkinën përsëri për udhëtime të gjata.

Për të mbajtur shpinën në shëndet të mirë dhe për të lehtësuar dhembjet e shpatullave dhe të gjunjëve është e nevojshme të qetësoheni duke zgjatur dhe forcuar disa grupe muskulore.

Ushtrimet e propozuar këtu duhet të zgjasin rreth 1 min secili dhe duhen kryer çdo ditë për të paktën 20 minuta në mëngjes ose në mbrëmje.

Këto ushtrime mund të jenë një parandalim i mirë për dhembjet e shpinës

Faza parapërgatitore: Para se të bëni ushtrimet e mëposhtme, bëni nxemje 5 deri në 10 minuta me aktivitete të ndikimit të ulët, si ecje në këmbë ose çiklizëm stacionar.

Tërheqje- Stretch: Pas nxemjes, bëni ushtrime stretchingu përpara se të filloni të bëni ushtrimet e forcimit. Kur të keni përfunduar ushtrimet e forcimit, përsëritni ushtrimet e stretchingut për t’i dhënë fund programit.

7a6d8b69cef44fbebd73c14ee916bd31

Mos injoroni dhimbjen: Ju nuk duhet të ndjehni dhimbje gjatë një stërvitje. Bisedoni me mjekun tuaj ose fizioterapistin në qoftë se ju keni ndonjë dhimbje gjatë ushtrimit.

Pyesni: Nëse ju nuk jeni të sigurt se si të bëni një ushtrim, ose sa shpesh për të bërë atë, kontaktoni mjekun tuaj ose fizioterapistin.

Ushtrimet e stretching-ut

1. I shtrirë duke qetësuar shpinën bëj frymëmarrje të shpeshta dhe të thella duke ndaluar 6 sek nga 1 frymëmarrje.

2. Mblidh gjunjët në kraharor dhe qëndro në këtë pozicion për 30 sek më pas lëshoji dhe kthehu në pozicionin e mëparshëm.

3. Sillni apo afroni një gju në kraharor duke e kapur dhe e mbajtur pa lëvizur për 30 sec duke marr frymë më pas shtrij këmbën dhe përsërit ushtrimin me giurin tjetër duke e përsëritur disa herë.

4. I shtrirë në pozicionin nr 1 mbledh muskujt e vitheve dhe ato të barkut dhe mundohu të shtypësh shpinën mbi dysheme duke marrë frymë , përsëriteni ushtrimin 10 herë.

5. Shtrihuni me shpinë në dysheme me krahët të vendosur anash, gjunjtë të përthyer dhe shputat e këmbëve të vendosura në dysheme.

Shtrëngoni -forconi muskujt e barkut dhe ngrini legenin tuaj në mënyrë që trupi juaj të jetë në një vijë të drejtë me shpatullat dhe gjunjët.

Mbani këtë pozicion për 15 sekonda.

Ngadalë kthehuni në pozicionin e fillimit dhe përsëriteni

Ushtrime Aerobike

Ecja me ritëm (një orë në ditë) dhe notimi

2. Dhimbja e thembrave e shkaktuar nga ndeshja e basketbollit, vishni këpucë me qeska ajri

Para disa vjetësh, mjeku Yang Yuping zhvilloi disa ndeshje basketbolli, dhe pas disa kohësh ai pati dhimbje thembrash. Më pas ai madje e kishte tepër të vështirë të ngjiste shkallët e të ecte.

Në atë kohë, Yang Yuping nuk mund të vishte këpucë lëkure. Ai bleu një palë këpucë me bazë të butë. Ai shkoi në spital për terapinë e shokut, por kjo terapi nuk ia zgjidhi plotësisht problemin e dhimbjes së thembrave. Më pas ai zgjodhi një tjetër metodë, kësaj here më e lehtë: këpucë me qeska ajri.

Për 4 vjet me radhë, Yang Yuping veshi vetëm këpucë të tilla, të cilat ishin shumë të rehatshme për të. Sipas Yang Yuping-ut, në vitin e parë, ai nuk mund të bëjë stërvitje të forta, por me lehtësimin e dhimbjes së thembrave, ai filloi të luajë badminton dhe sporte të tjera të lehta. Në vitet e mëvonshme, dhimbja e thembrave u reduktua hap pas hapi dhe ai sot vesh këpucë të zakonshme.

3. Dëmtimi i kyçit të dorës, vetëshërimi me akull

Me moshimin, njerëzit që pëlqejnë stërvitjet nisin dhe ndjejnë disa dëmtime kronike si psh, dëmtimi i kyçit të dorës etj. Por, këto dëmtime të vogla mund të lehtësohen nëpërmjet pushimit dhe metodave të përshtatshme të vetëshërimit, duke përdorur metodën me akull.

Ftohtësia nga akulli ul dhimbjen dhe ënjtjen e organeve përreth. Në fazën e parë të dëmtimit, metoda e përshtatshme me akull shpejton procesin e shërimit.

Këtë metodë mund ta përdorni në pjesën ku keni dhimbje apo enjtje, duke e mbajtur akullin për 20-30 minuta çdo 3-4 orë.

146ef1416b0b42f4b8361a7292559232

4. Dhimbja e gjurit nga sporti i badmintonit, vetëshërimi me stërvitje muskujsh.

Përpara se të bëni një stërvitje të fortë është mirë që të bëni nxehje përgatitore për gjunjtë.

Forcimi i muskulit të këmbës mund të parandalojë dhimbjet e gjurit të shkaktuara nga mbilodhja në punë. Si rrjedhojë, një gju i fortë parandalon dëmtimet e artikulacionit. Ndaj këshillohet që të stërvitet këmba dhe gjuri në mënyrë që muskuli rreth gjurit të rrisë elasticitetin e tij.

Konkluzione:

1. Për dhimbjet kronike nga lodhja sportive, duhet t’i kushtohet vëmendja kohës së mjaftueshme të pushimit në fazën e parë.

2. Nëse dhimbja është e fortë atëherë duhet të shkoi tek mjeku fizoterapisti.

3. Nëse do të merreni me metodat e vetëshërimit, është më e mirë që të zhvillohen nën drejtimin e mjekut.

Loading...