Ballina Shëndeti Ja si ta mbroni shtëpinë tuaj nga gripi

Ja si ta mbroni shtëpinë tuaj nga gripi

SHPËRNDAJE

Edhe nëse arrini t’i rezistoni gripit në vendin tuaj të punës, shumë lehtë mund të sëmureni në shtëpi – sidomos nëse ndonjë prej anëtarëve të familjes është i prekur me virusin e gripit.

Në vijim ju prezantojmë disa këshilla si të mbroni shtëpinë tuaj nga gripi.

–        Pastrojeni lavamanin në banjë, sepse është një prej vendeve kryesore prej nga përhapet gripi, andaj, përpiquni që ta dezinfektoni atë.

–        Po ashtu është e rëndësishme që brushat familjare të dhëmbëve të mos i mbani në të njëjtin vend – që të mos vije deri të kontaminimi i ndërsjellë. Madje, do të ishte mirë që edhe pastën e dhëmbëve ta keni të veçantë.

 

–        Po ashtu është me rëndësi që brushën tuaj të dhëmbëve të ndërroni apo të përvëloni, porsa ta keni kaluar gripin.

–        Shfrytëzojeni preparatet për pastrim, të cilat njëkohësisht bëjnë edhe dezinfektimin e hapësirë, që bacilet të mos përhapen.

–        Dezinfektoni gjësendet që i përdorni shpesh, siç janë tele-pilotët, tastierat e kompjuterit, telefonat celularë – sidomos pasi të keni kaluar gripin.

–        Lajini rregullisht peshqirët dhe mbulesat e shtratit – që mund të jenë përplot bacile të njerëzve të sëmurë.

–        Nëse partneri juaj është i sëmurë, më se miri do të ishte të mos flini bashkë disa ditë – derisa të kalojë rreziku nga gripi.

–        Gjatë pastrimit në shtëpi, shfrytëzoni pecetat për një përdorim – ndërsa nëse e shfrytëzoni sfungjerin – enët duhet t’i shpërlani rregullisht.

Loading...