Studimet në Itali, afati deri më 7 korrik. Ja si duhet të aplikoni

Të rinjtë shqiptarë që dua të vazhdojnë studimet e tyre të larta në Itali kanë afat deri më datën 7 korrik për të dorëzuar kërkesën pë...


Të rinjtë shqiptarë që dua të vazhdojnë studimet e tyre të larta në Itali kanë afat deri më datën 7 korrik për të dorëzuar kërkesën për aplikim në fazën e parë, që është ajo e pararegjistrimit.
Faza e dytë ka të bëjë me dokumentet për vizë dhe zgjat deri më 31 korrik, ndërsa faza e tretë është ajo e lëshimit të vizës. Kjo nuk nënkupton pranimin direkt të kandidatit. Ata duhet t’u drejtohen vetë universiteteve.
Ambasada Italiane ka hapur aplikimet për të interesuarit për shkollim në Itali, të cilët duhet të dorëzojnë personalisht një kërkesë me shkrim bashkë me dokumentet që i kemi listuar në tabelën përbri.
Ndërkaq, ata kanë afat dy muaj për të zgjidhur dilemën se në cilin universitet apo profil dëshirojnë të ndjekin. Në fazën e parë, që është ajo e pararegjistrimit, studentët duhet të caktojnë një takim pranë Ambasadës Italiane, një shërbim që kryhet përmes “prenoto online” në faqen zyrtare të Ambasadës.
Në takimin e përcaktuar, aplikantët duhet të kenë me vete disa dokumente, ku përcaktohen të gjitha të dhënat e degës së kërkuar dhe kontaktet e aplikantit. Një pjesë e tyre kanë disa karakteristika të veçanta, të cilat duhet të respektohen, pasi në të kundërt humbet e drejta e studimit.
Kështu, nxënësit e vitit të fundit që ende nuk kanë dëftesën e pjekurisë duhet të paraqesin një kopje të palegalizuar të “Formularit A1”, i cili vërteton që ata janë regjistruar në provimet e Maturës. Megjithatë, Ambasada nuk lëshon vizën pa dorëzuar këtë dokument, proces i cili mund të bëhet edhe në vjeshtë.
Po kjo nuk është e gjitha. Të gjitha dokumentet e shkollës së mesme duhet të kenë vulën e Drejtorisë Arsimore Rajonale, të apostilohen pranë Ministrisë së Punëve të Jashtme dhe të përkthehen në gjuhën italiane nga Instituti Italian i Kulturës, ose një prej përkthyesve të përcaktuar në faqen zyrtare të Ambasadës. Sa u takon dokumenteve universitare, Ambasada thekson se duhet të ndiqet e njëjta procedurë, me përjashtim të vulës së Rektoratit.
Kushti i parë për ata që i drejtohen Italisë për studime është njohja e gjuhës, e cila duhet të jetë në listën e dokumenteve që paraqiten në kërkesën për pararegjistrim. Fotokopja e certifikatës së gjuhës italiane të lëshuar nga Universiteti për të Huajt i Peruxhias, ose siç të gjithë e njohin CELI, Universiteti për të Huajt i Sienas (CILS), Universiteti Roma 3, shoqata “Dante Aligeri” ose Instituti Italian i Kulturës janë disa nga alternativat që mund të zgjedhë aplikanti për mbrojtjen e gjuhës.

Related

Arsimi 6482811365465215993

Arkivi

Kontakt

Name

Email *

Message *

STUDJESA PETROL

item