Pashkët ortodokse, ceremoni madhështore në Moskë dhe Jeruzalem

Të krishterët ortodoksë nëpër botë kremtojnë atë që është dita më e shenjtë e vitit për ta: Pashkët. Një shërbesë madhore u mbajt në Kat...


Të krishterët ortodoksë nëpër botë kremtojnë atë që është dita më e shenjtë e vitit për ta: Pashkët. Një shërbesë madhore u mbajt në Katedralen kryesore të Moskës, në praninë e mijëra vetëve, përfshirë Presidentin rus Vladimir Putin e kryeministrin Dmitry Medvedev.

Besimtarët pritën në radhë të gjata përpara Katedrales “Krishti shpëtimtar”, për të marrë pjesë në meshën e drejtuar nga Patriarku Kirill, kreu i Kishës ortodokse ruse. Ceremonia nisi vigjiljen e Pashkës të shtunën me një procesion që zgjati rreth 3 orë. Në shërbesë nuk mungoi zjarri i shenjtë, i mbërritur në Rusi nga Jeruzalemi.

Për ceremoninë e lashtë të zjarrit, që kremton ringjalljen e Jezusit, njerëzit mbushën plot Kishën e “Varrit të Shenjtë” në Jeruzalem. Udhëheqës ortodoksë të Kishës së Lindjes hyjnë siç e do tradita në dhomëzën e vogël që shënon vendin e varrit të Krishtit, e pas kësaj dalin me qirinjtë e ndezur “mrekullisht” me “zjarrin e shenjtë”, si një mesazh për besimtarët nga parajsa.

Të dhënat mbi burimin e kësaj flake mbahen sekret, me fanatizmin më të madh. Ishte patriarku greko-ortodoks i Jeruzalemit, Theofili i III-të, ai që ndezi disa qirinj e ua shpërndau më pas besimtarëve që prisnin jashtë kishës. Flakët nga ky zjarr transportohen më tej me avion në vende të tjera të botës.

Katolikët e protestantët i festuan Pashkët në muajin mars, duke qenë se përdorin Kalendarin Gregorian, ndërsa Kisha Ortodokse i referohet Kalendarit Julian për llogaritjen e kësaj feste.

Related

Top Lajm 8248191388615173128

Arkivi

Kontakt

Name

Email *

Message *

STUDJESA PETROL

item