Mjafton Lewandowski, Bayern marshon drejt titullit

Bayern Munich fluturon me Robert Lewandowskin. Sulmuesi polak rezultoi sërish vendimtar për skuadrën bavareze në suksesin minimal në f...


Bayern Munich fluturon me Robert Lewandowskin. Sulmuesi polak rezultoi sërish vendimtar për skuadrën bavareze në suksesin minimal në fushën e Kolnit, skuadër me të cilën luante titullar mbrojtësi i kombëtares shqiptare, Mërgim Mavraj.
Energjitë e shpenzuara në sfidën e 1/8-ave të Championsit ndaj Juventus kushtëzuan disi paraqitjen e kampionëve në fuqi të Bundesligës në këtë ndeshje të javës së 27-të, ku rastet për shënim ishin të pakta.
Por Bayern e zgjidhi sfidën pa u mbushur 10 minuta lojë me golin e Lewandowskit, që u tregua i saktë me një goditje nga jashtë zonës, që rezultoi e pakapshme për portierin Horn.
Pas këtij episodi, bavarezët e administruan me zgjuarsi ndeshjen për ta çuar në 7 pikë diferencën me Dortmundin, që luan në transfertë me Augsburgun.
Ndërkohë, përfundoi në barazim 1-1 sfida mes Werder Bremen dhe Mainzit, me formacionit e Viktor Skrypnyk që mbetet pranë zonës së ftohtë.
Baumgartlinger befasoi vendasit në minutën e 38-të, pasi shfrytëzoi më së miri një pasim të Mali. Në minutat shtesë të pjesës së parë, auori i golit që zhbllokoi sfidën fitoi një 11-metërsh, që u shndërrua në gol nga Claudio Pizzarro.
Asgjë nuk ndryshoi gjatë pjesës së dytë, me të dyja skuadrat që ndanë nga një pikë.

Related

Sport 8902350605030819323

Arkivi

Kontakt

Name

Email *

Message *

STUDJESA PETROL

item