Gjermani, propozimi i populistëve të AfD-së: Të ndalohen xhamitë në Bavari

Pjesëtarë të partisë së djathtë “Alternativa për Gjermaninë” (AfD) në Bavarinë e Poshtme kanë dalë me propozimin të ndalohet krejtësish...


Pjesëtarë të partisë së djathtë “Alternativa për Gjermaninë” (AfD) në Bavarinë e Poshtme kanë dalë me propozimin të ndalohet krejtësisht ndërtimi dhe funksionimi i xhamive në këtë land.

“Islami nuk i përket Gjermanisë”, thuhet në draftin e siguruar nga shtypi vendas. Më shumë se 30 gazeta, që i përkasin grupit mediatik “RedaktionsNetzwerk Deutschland” (RND), raportonin sot se drafti me titull “Guxim për të marrë përgjegjësi” i përshkruan xhamitë jo thjesht si një vend i zakonshëm lutjeje, por si mënyrë për të shpërndarë mësime islamike të orientuara drejt goditjes së rendit ligjor.

“Kurani lejon gënjeshtrat dhe mashtrimin”, thuhet në propozimin kontrovers, që shton se deri më tani Islami ka arritur ta deklarojë rrugën e tij drejt dominimit botëror në 57 nga 190 vende të globit.

Sipas “AfD”-së, kur autorët e Kushtetutës gjermane nënvizuan lirinë e besimit në nenin 4 të saj, nuk e kishin marrë me mend se feja mund të nxiste krime e të luftonte për “dominim botëror”.

Edhe brenda kësaj partie, megjithatë, jo të gjithë janë pajtuar me pretendimet në fjalë dhe, ndonëse e pranoi se ishte në dijeni të nismës, udhëheqësi i degës bavareze të “AfD”-së, Petr Bystron u distancua nga raportet e “RND”-së, e tha se propozimi vjen nga një grup pjesëtarësh të pakënaqur me udhëheqësinë e partisë.


Related

Botë 8434377236467581588

Arkivi

Kontakt

Name

Email *

Message *

STUDJESA PETROL

item