5 arsye përse Europa është bërë shënjestër e terrorizmit

Sulmet terroriste të së martës në Bruksel shënuan sulmin e tretë në shkallë të gjerë të terrorit, në 15 muaj, në Europë. Pesë faktet e...


Sulmet terroriste të së martës në Bruksel shënuan sulmin e tretë në shkallë të gjerë të terrorit, në 15 muaj, në Europë. Pesë faktet e mëposhtme tentojën të shpjegojnë se përse Europa është bërë “Pika Zero” për terrorizmin islamik.
1. Vënia në skenë
Cikli i dhunës në Bruksel nisi në maj 2014, kur disa luftëtarë francezë të lidhur me ISIS, hapën zjarr në Muzeun Hebre të Brukselit dhe vranë tre persona. Ky sulm u pasua nga ai në Charlie Hebdo në Paris, një sulm në një forum për fjalën e lirë ne Danimarkë, sulmet në Paris në Bataclan dhe Stade de France dhe në fund, sulmet terroriste të së martës në Bruksel.
Në mbarë Europën, më shumë se 185 persona janë vrarë, por popullsia e më shumë se 500 milionë banorëve në Bashkimin Europian është terrorizuar. Teksa ISIS mori përgjegjësinë për shpërthimet e të martës, disa nga sulmet e mëparshme besohet se vetën janë frymëzuar nga ISIS, çka i bën ata jo më pak trishtues. ISIS ka ndërmarrë apo ka frymëzuar rreth 57 sulme terroriste në 20 vende jashtë Sirisë dhe Irakut. ISIS është bërë global, duke mos vepruar më vetëm në territorin e tij, por edhe duke shënjestruar të huajt jashtë. Teksa ISIS po humbet territorin në Lindjen e Mesme (ka humbur 22 përqind të territorit të pushtuar në Irak e Siri prej janarit 2015, 8 % vetëm në tre muajt e fundit), bota duhet të shtrëngojë radhët për një rritje të grupeve të dëshpëruara xhihadiste në çdo hap. (CNN/NBC)
2. Bazat e rekrutimit në Europë
Në një kohë kur shenjestrat e goditura nga ISIS duken si të rastësishme, kjo nuk mund të thuhet për qytetet që kanë zgjedhur. Nga viti 2012 deri në 2015, më shumë se 400 persona kanë lënë Belgjikën për t’iu bashkuar ISIS-it në territorin e kontrolluar prej tij në Irak e Siri, duke e bërë Belgjiikën kryeqytetin e Bashkimit Europian për xhihadistët e huaj, në raport me popullsinë. Në terma absolutë, ky titull mund t’i shkojë Francës; në të njëjtën periudhë rreth 1 200 persona janë larguar nga Franca drejt Irakut e Sirisë për t’iu bashkuar xhihadit.
Nuk është rastësi që këto dy vende janë një terren i përshtatshëm për terrorizmin islamik. Të dy kanë disa prej lagjeve më të radikalizuar dhe të izoluara myslimane në kontinent; Molenbeku në Bruksel dhe Periferia në Paris.
Kur këta xhihadistë të huaj kthehen në shtëpitë e tyre- autoritetet belge vlerësojnë se 117 kanë lënë Lindjen e Mesme dhe janë kthyer në Belgjikë- ata shpesh kanë lidhje me miq e bashkëpunëtorë që i strehojnë për t’i fshehur nga policia. Kur Salah Abdeslam, i vetmi i mbijetuar i skuadrës prej 10 personave përgjegjës për sulmet terroriste të nëntorit në Paris, u arrestua së fundi javën e shkuar, ai rezultoi se kishte qëndruar i fshehur për 4 muaj në Molenbek.  (CNN, Politico)
3. Kriza e vazhdueshme e refugjatëve në Europë
ISIS jo vetëm ka gjetur një vend pjellor për rekrutimet në mesin e disa prej më të zhgënjyerve të Europës, por grupi po përfiton edhe nga situata gjeopolitike në Siri, për krijimin e së cilës ndihmoi edhe vetë. Ngjarja e vetme në Europë në 18 muajt e fundit ka qenë kriza e refugjatëve, teksa miliona u derdhën në kontinent, duke u larguar nga luftërat në Lindjen e Mesme. Në 2015, më shumë se 1.1 milionë emigrantë hynë në Europë; ka një ulje në 2016 me 135 mijë persona që kanë mbërritur në rrugë detare.
Në krizën e refugjatëve, ISIS ka patur një mundësi të artë për të shtyrë përpara tregimin e tij për një luftë civilizimesh mes Islamit dhe Perëndimit- dhe shumë prej lidërve europianë kanë luajtur direkt në duart e grupit terrorist. Kur kryeministrat e Polonisë dhe Bullgarisë thanë se ishin të gatshëm të pranonin vetëm refugjatë të krishterë, ata i dhanë ushqim ISIS-it për të mbledhur më shumë njerëz të zellshëm rreth kauzës së tij. Njëri nga kamikazët e Stade de France kishte një pasaportë false siriane, si për të nxitur këtë lloj tregimi. Qartazi ISIS kërkon që europianët të ngatërrojnë refugjatët me terroristët dhe po ia del deri tani. (The Guardian, BBC)
4. Thyerja e Unitetit Europian
Ështe ende shumë herët për të thënë se sa në mënyrë të efektshme ISIS e ka përdorur reagimin e Europës ndaj refugjatëve myslimanë si mjet rekrutimi, por kjo ka qenë mjaftueshmërisht e sukseshme për të prishur unitetin politik të Europës. Kancelarja gjermane Angela Merkel, udhëheqësja de facto e Europës, është në pikën e saj politike më të ulët, edhe pas orkestrimit të një marrëveshje me Turqinë për të vazhduar strehimin e refugjatëve sirianë jashtë Bashkimit Europian. Marrëveshja, e cila kushtëzohet me heqjen e vizave për qytetarët turq në të gjithë Europën, tashmë është e vështirë për t’u zbatuar. Pas sulmeve të së martës në Bruksel, europianët do të jenë më të frikësuar për të lënë edhe 76 milioën njerëz të tjerë nga një vend kryesisht mysliman, për të udhëtuar të lirë në të gjithë Europën.
Zemra e projektit evropian ka qenë gjithmonë marrëveshja Shengen, e cila ofron lëvizjen e lirë të njerëzve, mallrave dhe shërbimeve nëpër 26 vende evropiane. Dhe teksa disa vende filluan të ngrenë muret gjatë verës në përpjekje për të frenuar fluksin e refugjatëve, çështja mori një rrjedhë serioze me sulmet terroriste të nëntorit në Paris dhe vendimin e themelueses së Bashkimit Europian, Francës, për të vendosur kontrollet në kufi. Menjëherë, vendosja e kontrolleve kufitare u pa jo si një lëvizje për të frenuar fluksin e emigracionit, por si çështje mbijetese. Ky është lajm i keq për projektin më ambicioz politik të shekullit të kaluar. (Banka Botërore, BBC)
5. Referendumet kanosës
Dhe ky projekt politik do të duhet ende të përballet me testin e tij më të madh: referendumin e Mbretërisë së Bashkuar për t’u larguar ose jo nga BE. Spektri i një vendi që vullnetarisht lë BE-në, veçanërisht i një vendi të rëndësishëm si Britania e Madhe, do ta lërë në pikëpyetje të ardhmen e unionit. Tashmë, 53 përqind e francezëve dhe më shumë se 45 përqind e gjermanëve, spanjollëve dhe suedezëve duan të ndjekin shembullin e Britanisë, me referendum për të ardhmen në BE. Paramendoni se çfarë do të ndodhte nëse do të kishte një sulm terrorist në Mbretërisë së Bashkuar përpara referendumit. Udhëheqësit e ISIS kanë çdo stimul për të destabilizuar kontinentin akoma më tej dhe do të kenë shumë mundësi për t’ia arritur. Kjo e bën Evropën një objektiv kryesor për ISIS-in që po përparon.
Time – /Përgatiti Lapsi.al/

Related

Top Lajm 5866741403845470167

Arkivi

Kontakt

Name

Email *

Message *

STUDJESA PETROL

item